E tronditur nga ngjarja e 31 vjeçares Melisa Trëndafili në Korçë, ku dhuna ndaj gruas u shfaq në formë ekstreme nga bashkëshorti, si trashëgimni e një mentaliteti të mykur patriarkal që fatkeqësisht vazhdon endet mes nesh për të sfiduar normat shoqërore dhe ligjin.
Na tregoi edhe njëherë që pavarësisht gjithçkaje, kemi ende punë për të bërë si individë, si shoqëri dhe si organe ligjzbatuese.
Lufta ndaj këtij fenomeni kërkon ndërgjegjësim për të ngritur zërin dhe denoncuar pa kompromis këdo që mendon se ka fuqinë të cënojë integritetin fizik, dinjtetin dhe jetën e një gruaje. Dhuna nuk justifikohet, as tolerohet dhe as i jepet kohë të veproje!
Dhe nga ana tjetër kërkon përgjegjësi institucionale për të mos neglizhuar, për të reaguar në kohë për çdo denoncim si edhe dënimin më të ashpër për këdo që mendon jetën e një gruaje si pronë të tij.
Mendimet dhe lutjet e mia për shëndetin e Melisës dhe kërkesë institucioneve ligjzbatuese për dënime shembullore, më të ashpra për të mbyllur këtë plagë të shoqërisë sonë!
