Në Universitetin “Fan Noli” në Korçë është mbyllur faza e dytë 48-orëshe e regjistrimeve për vitin akademik të ri, ku deri më tani janë regjistruar 203 studentë.
Sipas të dhënave programet më të kërkuara edhe këtë vit kanë qenë edukimi fizik dhe sportet, si dhe infermieria, duke reflektuar interesin e lartë të maturantëve për këto fusha studimi.
Megjithatë, disa programe si gjuhë dhe kulturë frënge, si dhe gjuhë, letërsi shqipe dhe gjuhë pakicash ende nuk kanë regjistrime.
Pas përfundimit të fazës së dytë, universiteti do të zhvillojë edhe pesë faza të tjera regjistrimi, që do të zgjasin deri më 11 shtator, datë kur përfundon raundi i parë i pranimeve, duke u dhënë mundësi të gjithë maturantëve që të regjistrohen në programet e tyre të preferuara.
