Muzeu Kombëtar i Artit Mesjetar në Korçë ka shënuar një vit të suksesshëm, duke pritur më shumë se 30 mijë vizitorë deri tani, një numër rekord ky sipas drejtoreshës së institucionit Fjoralba Prifti.
Ky interesim i shtuar sipas Priftit vjen si nga turistët vendas, ashtu edhe nga ata të huaj, me një përqindje më të lartë vizitorësh nga vende të ndryshme të Europës.
Një nga atraksionet kryesore këtë vit ka qenë ekspozimi për herë të parë i disa ikonave të veçanta, pjesë e ikonostaseve më të njohur shqiptarë.
Aktualisht, për vizitorët janë të ekspozuara më shumë se 400 ikona, ndërkohë që muzeu ka një fond të pasur me mbi 7200 objekte.
Ky muze, i njohur për koleksionin e tij të pasur të artit bizantin dhe pasbizantin, është kthyer në një pikë të rëndësishme të turizmit kulturor në Shqipëri. Përveç ikonave, muzeu ofron një përvojë unike për të kuptuar historinë dhe trashëgiminë se kultures duke tërhequr gjithnjë e më shumë vizitorë çdo vit.
