5 ikona janë në proces restaurimi në laboratorin e Muzeut Kombëtar të Artit Mesjetar në Korçë. Ato i përkasin periudhës së viteve 1700-1800 dhe bëhet fjalë për ikona që vijnë nga kisha të ndryshme.
Këto ikona shfaqin problematika në disa komponentë ndaj drejtorja e Muzeut Fjoralba Prifti bën të ditur se puna për restaurimin e tyre do të zgjasë disa muaj.
Ndër ikonat që po restaurohen janë 2 të Joan Pagëzorit, ku ikona e parë është realizuar nga Zografët dhe jen nga ikonostasi i kishës së Shën Pjetrit dhe Pavlit në Vithkuq e vitit 1775, ikona tjetër i përket gjszmës së dztë të shek XIX nga ikonostasi i kishës së Shën Marisë në Korçë, ajo e Shën e dielës që daton nga vitit 1785 dhe vjen nga Kisha Burimi Jetëdhënës, etj.
Ikonat e këtyre periudhave janë të veçanta pasi realizoheshin me temperat e vezës, në sfond përdorej fletë arid he si suport i parapëlqyer gjithmonë ka qenë dërrasa.
