Një tjetër ambjent bashkëkohor për të rinjtë i është shtuar qytetit të Korçës. Bëhet fjalë për Qendrën Rinore e cila ka pësuar një rikonstruksion të plotë duke ofruar më shumë mundësi argëtimi nëpërmjet lojërave dhe ambjenteve të ndryshme kreative.
Kryebashkiaku Sotiraq Filo teksa inspektoi punimet dhe vizitoi të gjitha ambjentet e rinovuara të kësaj qendre i bëri thirrje të rinjve të frekuentojnë qendrën ku do të gjejnë mënyra argëtuese dhe të dobishme për të kaluar kohën e lirë:
Qendra Rinore në Korçë ka një sallë kinemaje, tavolina ping pongu, bilardoje, ambjentin e podcast-it, salla ku të rinjtë mund të punojnë në grupe për realizimin e projekteve shkollore e jashtë shkollore.
Filo ka qenë i gatshëm të mbështesë të rinjtë edhe për ide të tjera që mund të vijnë prej tyre për aktivitete apo organizime të ndryshme.
Bashkia e Korçës ofron edhe të tjera ambjente për të rinjtë siç është zona sportive e qytetit e biblioteka, ndërsa janë të shumta edhe aktivitetet e organizuara që kanë në qendër të rinjtë.
