Data 1 Korrik përkon me “Ditën e Satrivaçit”, vendi i Shenjtë në fshatin Hoçisht ku mbledhen me mijëra besimtarë nga Shqipëria por edhe më larg.
Ky “Vend i mirë” ka një histori mjaft të veçantë pasi na kujton mjekët e shenjtë, Shën Damian dhe Shën Kozma të cilët ia kushtuan jetën e tyre shërimit të njerëzve të sëmurë dhe të pamundur.
Çdo 1 Korrik , “Satrivaçi” kthehet në një vend pelegrinazhi, nga njerëz të besimeve të ndryshme , dikush falet dhe dikush fle edhe natën, e dikush lutet për shërim dhe paqe shpirtërore. Thuhet se pas faljeve, lutjeve në zot apo fjetjes, njerëzit janë gjendur të lehtësuar shpirtërisht dhe të shëruar fizikisht.
Dhe ditën e djeshme nuk kanë qenë të paktë besimtarët që i janë bashkuar pelegrinazhit të Satrivaçit, në Kishën e Anargjendëve, Kozmai dhe Damiani, në fshatin Hoçisht.
