Sezoni turistik ka sjellë rritje të ndjeshme të kërkesës për pataten e fushës së Maliqit, duke ndikuar edhe në çmimet e tregut. Drejtori i drejtorisë se bujqësisë në Bashkinë Maliq, Arben Dulellari, bëri të ditur se çmimi për një kilogram patate varion aktualisht nga 35 deri në 38 lekë, çka ka rritur fitimet për fermerët.
Sipas tij, gjatë kësaj periudhe është rritur edhe çmimi i qepës, i cili ka arritur deri në 35 lekë për kilogram.
Gruri, misri, patatja dhe qepa mbeten ndër kulturat bujqësore kryesore që zënë sipërfaqet më të mëdha të fushës së Maliqit, duke kontribuar ndjeshëm në ekonominë lokale.
