Në kuadër të Ditës Ndërkombëtare të Fëmijëve me Aftësi Ndryshe, e cila u shënua më 3 dhjetor, Shkolla Profesionale Teknike Korçë, organizoi një aktivitet të veçantë në bashkëpunim me Qendrën Rezidenciale të Zhvillimit. Ky aktivitet kishte për qëllim rritjen e ndërgjegjësimit dhe mbështetjes për fëmijët me aftësi ndryshe, duke promovuar mesazhin “Çdo ditë për të pranuar dhe fuqizuar talentin përtej kufizimeve”.
Ky aktivitet shërbeu si një mundësi për të forcuar bashkëpunimin mes institucioneve arsimore dhe atyre që ofrojnë mbështetje për fëmijët me aftësi ndryshe, duke theksuar rëndësinë e integrimit dhe mundësive të barabarta për të gjithë.
Shkolla Profesionale Teknike dhe Qendra Rezidenciale e Zhvillimit u angazhuan për të krijuar një atmosferë pozitive dhe mbështetëse, duke i dhënë fëmijëve mundësinë të tregojnë se talenti dhe aftësitë e tyre nuk njohin kufizime.
