Vazhdojnë investimet që i japin zhvillim dhe bukuri një prej fshatrave më të veçantë të Korçës. Në kuadër të bashkëpunimit mes Bashkisë Korçë dhe Trans Adriatic Pipeline (TAP), po vijon projekti për shtrimin me kalldrëm të rrugëve në lagjet “Saraq”, “Dukas” dhe “Grekas” të fshatit Vithkuq.
Punimet përfshijnë shtrimin e 1,410 m² rrugë me kalldrëm, duke i dhënë një frymë të re infrastrukturës dhe një pamje që ruan karakterin tradicional të zonës.
Ky investim është një tjetër hap i rëndësishëm drejt përmirësimit të kushteve të jetesës së banorëve dhe zhvillimit të potencialit turistik të Vithkuqit, një fshat me vlera të veçanta kulturore, historike dhe natyrore.
Me këtë projekt, Bashkia Korçë dhe TAP po kontribuojnë në ruajtjen e identitetit të fshatit, duke e bërë atë gjithnjë e më tërheqës për vizitorët dhe më të mirë për banorët e tij.
