Situata e zjarrit në kurorën e pyllit të fshatit Miras, në njësinë administrative Miras të bashkisë Devoll, paraqitet e qetë ditën e sotme, falë uljes së temperaturave gjatë natës.
Që prej orës 05:00 të mëngjesit, rreth 100 forca nga të gjitha shërbimet e bashkisë janë angazhuar në terren për shuarjen e flakëve, ndërsa aksionin po e ndjek nga afër nënprefekti i Devollit. Aktualisht po punohet për hapjen e kanaleve izoluese dhe monitorimin e zonës, për të shmangur riaktivizimin e vatrave të zjarrit.
