Hetimi i Prokurorisë së Tiranës dhe zbardhja e bisedave tronditëse mes mjekëve dhe personelit të Spitali Onkologjik në Tiranë, ku trajtohen të sëmurët me tumore të ndryshme kanë shokuar prej disa ditësh opinionin publik.
Disa protesta janë organizar nga shoqëria civile.
Ndërkohë që vet gjykata la në fuqi masat për 8 mjekët dhe stafin e personelit të onkologjikut, që dilnin në përgjimet në disa vepra penale duke shitur në klinika private medikamente që merreshin nga dozat e pacientëve në Spitalin Onkologjik, duke kryer operacione fiktive te pacientët në klinikat private apo edhe duke nxjerrë jashtë funksionit aparaturën e cobalto-terapi.
Po aq shokuese sa vet përgjimet e nxjerra nga Prokuroria do të ishte sjellja e dy mjekëve ditën që u përballën me akuzat në gjykatë, Edmond Gashi dhe Alketa Pere.
Kjo e fundit, interesit të mediave mbi orientimin e pacientëve në klinika private dhe e përgjimeve dhe komunikimeve skandaloze të stafit mjekësor ju përgjigj me tone të forta për mënyrën sesi media kishte përcjellë imazhin e saj në publik.
Sot e ftuar në emisionin “Top story” të drejtuar nga Grida Duma, doktoreshë Alketa Pere shprehet se ka dashur të kryejë vetvrasje kur ka parë se skandali kishte marrë përmasa të mëdha.
Pyetjes të drejtuar nga Grida Duma “Në këto momente a ndihesh mjeke” Alketa i është përgjigjur dhe me pyetje retorike “Pse është shtuar numri i vetvrasjeve“. Ajo shprehet se ka mirëkuptuar çdo person që kryer krimin e vrasjes së vetes së vet.
Alketa Pere gjithashtu nuk pranon asnjë nga akuzat që Prokuroria ka ngritur ndaj saj dhe se është e pafajshme.
Grida Duma: Në këto momente a ndihesh mjeke”
Alketa Pere: “Nuk di çfarë të them kam marrë telefonata nga pacientët, më është dukur vetja në punë ose me pushime, kur mora vesh pezullimin ajo ndjesi si mjeke ishte që pse është shtuar numri i vetëvrasjeve në Shqipëri. Kur mora vesh këtë lajm i dhashë të drejtë edhe asaj zonjës që u hodh nga ura e Bunës bashkë me fëmijët, më ndau një moment i vogël për t’u hedhur nga ballkoni”.
