Të dielën, më 27 prill, ora 15:30, në stadiumin “Skënderbeu” luhet ndeshja më vendimtare e kampionatit për ekipin korçar. Skënderbeu pret Bylisin në javën e fundit të sezonit, me fatin e qëndrimit në Superiore që do të vendoset pikërisht në këtë përballje.
Në rast fitoreje, Skënderbeu siguron qëndrimin në Kategorinë Superiore, pa pasur nevojë për ndeshje shtesë. Me 3 pikë, skuadra qëndron mes më të mirëve edhe për sezonin e ardhshëm.
Nëse ndeshja përfundon me humbje apo barazim, atëherë Skënderbeu do të jetë i detyruar të luajë ndeshjen “playoff”, për të vendosur qëndrimin në elitën e futbollit shqiptar.
Hyrja falas në tribunat C dhe D!
Për këtë sfidë, klubi ka vendosur që hyrja në tribunat C dhe D të jetë falas, duke ftuar tifozët të jenë mbështetja e 12-të në këtë ndeshje jetike.
Të gjithë në stadium – Bashkë për fitoren dhe për Superligën!
