Skënderbeu mbyll përgatitjet për ndeshjen e radhës ndaj Teutës në kampionat. Pas fitores në ndeshjen e fundit ndaj Tiranës në transfertë korçarët kanë moralin e lartë dhe me shpresën se do të bëjnë maksimumin edhe në ndeshjen e radhës ndaj Teutës.
Një ndeshje e cila ka një rëndësi të veçantë për Skënderbeun që kërkon të lerë pas një kundërshtar direkt për mbijetesën. Por kjo ndeshje mbart edhe vështirësi përtej faktit të kundërshtarit dhe fushës. Pavarësisht se rikthehen nga mungesa dy të pezulluarit e ndeshjes së fundit si Ramos dhe Rabiu korçarët duhet të bëjnë llogaritë për këtë takim pa portierin Marko Alia dhe mbrojtësin e majtë Klevis Shaqe.
Të dy lojtarët kanë plotësuar numrin e kartonëve të lejuar dhe për pasojë janë të pezulluar për këtë takim. Për fat të mirë për Gvozdenovië të gjithë të tjerët janë në dispozicion të trajnerit për këtë takim dhe do të ketë mundësi për të zgjedhur titullarët.
Formacioni: Sa i takon përgatitjeve për formacionin e ndeshjes së radhës korçarët po bëjnë provat për lojtarët që do të nisin nga minuta e parë këtë takim. Edhe pse në fillim të përgatitjeve trajneri i Skënderbeut kishte disa zgjedhje në mendjen e vet sa i përket ndryshimit të skemës dhe reshtimit të ri në fushë duket se do të vijojë të besojë tek lojtarët që për momentin po gëzojnë një formë të mirë.
Në kushte të tilla Alliu është zgjedhja e parë për të zëvendësuar Alian në portë. Në mbrojtje do të rikthehet reshtimi me tre lojtarë ku Prençi dhe Ramos do të mbështeten edhe nga Randi në treshen e prapavijës. Nga krahët e mesfushës për të mbuluar edhe aspektin difensiv do të luajnë nga minuta e pa Gerxho dhe Zenullari që zëvendëson Shaqen pas skualifikimit.
Në qendër të mesfushës Rabiu do të jetë në pozicionin e vet si ekran ndërsa më të avancuar dhe me detyra të theksuara ofensive braziliani Juri dhe kapiteni Dean Liço do të jenë nga minuta e parë në fushë për të mbështetur repartin e sulmit që në ndeshjen e fundit ka marrë elozhet maksimale. Rashica ose Nikaj do të mshtesë Frenklin në majën e sulmit.
Kjo do të jetë me shumë mundësi reshtimi i korçarëve për ndeshjen e fundjavës ndaj Teutës. Ndeshje të cilën në klubin bardhekuq e duan të fituar edhe për faktin se Teuta i ka shkaktuar më shumë dëme këtë sezon korçarëve.
