Skënderbeu merritonte më shumë mbrëmjen e sotme në Korçë, teksa vetëm pak momente më parë ka përfunduar miqësorja ndaj Dinamos.
Miqtë nga kryeqyteti kryesonin deri në minutën e parë shtesë, por vendasit barazojnë në limitin e fundit. Një gol që në fraksionin e parë të ndeshjes, me një Dinamo që shkoi vetëm një herë në portën vendase, ndërkohë që Skënderbeu, luajti vërtet mirë në këtë test dhe përvec golit të barazimit, merritonte më shumë se 1-1.
Kronika e plotë e ndeshjes
- 15’ – Gabim i mbrojtjes korçare dhe atje përfiton Denisson për miqtë që shënon në portën e Skënderbeut. 1-0 për Dinamon.
- 20’ – Është Dean Liço në zonë që jep një asis për Likën në zonë. Shkodrani përpiqet ta kthejë sërish te Liço, por një nga mbrojtësit e Dinamos e prek topin me dorë. Sipas gjyqtarit nuk ishte penallti edhe pse u duk qartë që ishte e tillë.
- 35’ – Një rast tjetër i dyshimtë për 11-metërsh. Pas një goditje dënimi për vendasit topi përfundon në zonën dinamovite. Atje është Sali që grushton në mënyrë të gabuar dhe është Ramos për vendasit që pengohet po nga portiere, por sërish nuk ka penallti.
- 37’ – Gjuan Liço nga jashtë zone, por pret në pozicion portieri dinamovit, Sali.
- 40’ – Goditje dënimi për Skënderbeun. Liço fut një top të bukur në zonë dhe është Prençi që gjuan, por mbi tranversë.
- 45’ – Dy raste të pastra shënimi për Skënderbeun. Moses së pari gjuan në zonë topi përplaset në kurizin e një prej mbrojtësave. Topi kthehet te Liço që sërish gjuan dhe përsëri shpëtojnë mbrojtësit miq golin e barazimit.
- 66’ – Goditje nga këndi për Skënderbeun. Liço con topin në zonë. Është Lika që e kthen te Shaqe, që humb rastin më ideal vetë për vetë me portën, duke e gjuajtur mbi tranversë.
- 76’ – Goditje dënimi për Skënderbeun. Ardit Nikaj bën gjithçka vetë gjuan nga 25 metra larg, por në mënyrë të gabuar topi përfundon mbi kuadrat.
- 85 – Liço me kokë nga e djathta, topi në zonë te Muharem, që gjuan me kokë, por topi sërish përfundon mbi tranversë.
- 91’ – Skënderbeu në frymën e fundit shënon golin e barazimit. Pas një krosi nga largësia Prenci me kokë shënon golin e barazimit.
- Përfundimisht 1-1
