Skënderbeu-Dinamo 3-0
Një tjetër sukses i rradhës vjen nga volejbolli korçar, këtë herë nga vajzat e ekipit të Skënderbeut në kategorinë U-18, të cilat janë shpallur kampione kombëtare.
Skuadra e drejtuar nga trajneri Julian Shishi ka fituar edhe ndeshjen e dytë ndaj ekipit të Dinamos, këtë herë në Korçë, me rezultatin 3-0 në sete: 26-24, 25-22, 25-14.
Dy setet e para ishin të forta dhe të rivalizuara, por në setin e tretë vajzat korçare shfaqën një dominim total, duke mbyllur takimin me një paraqitje bindëse.
Ky është një tjetër trofe për volejbollin e vajzave të Skënderbeut, pas titullit kampion edhe në kategorinë U-20, duke dëshmuar vazhdimësinë dhe cilësinë e shkollës korçare të volejbollit.
