Ekipi i Skënderbeut është duke zhvilluar stërvitjet e veta me një ngarkesë fizike të plotë, por pas pesë ditësh stërvitore kjo e sotmja është më se reale përsa i përket njohjes së plotë nga stafi.
Themi këtë, pasi sot në orën 09.00 ekipi do ti nënshtrohet testeve fizike, janë teste që Gvozdenoviç i do së bashku me përgatitësin atletik, kjo për të parë gjëndjen reale fizike dhe për të ndërtuar më pas edhe një plan stërvitor më të detajuar dhe individual për ndonjë futbollist që sështë në parametrat e duhur.
Për më shumë kjo do të jetë edhe një test për futbollistët e rinj për të parë se sa është forca reale e tyre në aspektin fizik. Do të jenë teste vrapimi, force, qëndrushmërie, kërcyeshmërie etj që janë më se të detajuara për kartelën e çdo futbollisti që pretendon të veshë fanelën por jo vetëm, pasi duhet edhe një vend titullari në ekip.
