Erdhi dita e javës së 16-të të superligës për Skënderbeun, teksa bardhekuqtë sot në orën 17:00 do të përballen në ndeshjen e transfertës me Partizanin.
Tri ndeshjet e para të kësaj jave u luajtën dje me dy barazime dhe një fitore. Laçi-Tirana 2-2 dhe Erzeni-Kukësi 0-0, ishin dy barazimet e djeshme, ndërkohë që fitoren e vetme e ka arritur Vllaznia ndaj Dinamos me rezultatin 3-1.
Në këtë mënyrë me këto tri takime u mbyll dita e djeshme, ndërkohë që shumë skuadra i janë afruar ndjeshëm Skënderbeut, por edhe Tirana e vendit të 3-të nuk mundi të shkëputej pas barazimit të djeshëm.
Sot, luhen dy ndeshjet e fundit të kësaj jave dhe të dy takimet do të startojnë në orën 17:00. Partizani-Skënderbeu dhe Teuta-Egnatia janë dy përballjet e pasdites së sotme, ndeshje që vërtet pritet të japin emocione në fushë.
Skënderbeu nga ana e vet do të kërkojë të japë më të mirën dhe objektivi i bardhekuqve është që të kthehen me pikë në Korçë.
FORCA Skënderbe!
10 Dhjetor 2023 (DJE)
Ora 13:30 Laçi-Tirana 2-2
Ora 13:30 Erzeni-Kukësi 0-0
Ora 17:00 Vllaznia-Dinamo 3-1
11 Dhjetor 2023 (SOT)
Ora 17:00 Teuta-Egnatia
Ora 17:00 Partizani-Skënderbeu
