Sot në teatrin “Andon Zako Çajupi” do të jepet shfaqja “Vanja, Sonja dhe Masha”. Një komedi brilante nga regjisore Driada Dervishi dhe një kastë aktorësh të talentuar, si Neritan Liçaj, Olta Daku, Yllka Mujo, Zamira Kita, Paola Kodra, Xhuljano Brisku, etj.
Shfaqja do të jetë edhe ditën e nesërme, në të njëjtën orë. Publiku korçar po e pret me padurim komedinë, kjo duket edhe nga shkrimi i një qytetareje artdashëse.
Driada Dervishi bën pjesë në atë kastë regjizorësh të rinj që guxojnë. Dhe bota gjithmonë u takon guximtarëve.
Në Korçë vjen për publikun e mencëçur e të edukuar korçar, një nga komeditë më të bukura të vëna në skenë ndonjeherë. Titullohet “Vanja & Sonja & Masha”.
Pjesa është shkruar nga amerikani Christopher Durang. Është cilësuar si “avant-garde” për tematikën e mprehtë dhe kontradiktat midis gjeneratës së vjetër e të re, midis identitetit origjinal e atij fallco dhe sfidës së një gruaje, që po i perëndon ylli i karrierës së shquar dhe jetës mondane.
Rolin e Mashës e interpreton e madhja dhe e pakrahasueshmja Yllka Mujo, e cila u vlerësua me çmimin e karrierës për këtë rol. Në teatrin amerikan Masha është Sigourney Weaver, aktorja e famshme hollivudiane.
Durang ka përngjasuar personazhet e tij me ato Chekhoviane, “vetëm se i kam shkuar më parë në blender”, do të shprehej ai.
Shfaqja pati aq shumë sukses në qytete të ndryshme të Amerikës, sa për më pak se 4 muaj, siguroi rreth 2.5 milion $.
Eshte vleresuar me Tony Award si Shfaqja me e mire dhe me Drama Desk Award per Performance te shkëlqyer.
E mrekullueshmja Olta Daku do të jetë Sonja. Dy herë është vlerësuar me çmim për këtë rol. E merrni me mend vetë performancën e saj.
Neritan Liçaj, një nga aktorët e mij më të dashur për talentin dhe klasin e tij, do te jetë Vanja.
Në shfaqje marrin pjesë për herë të parë, me një përkushtim e punë të jashtëzakonshme Zamira Kita (Kasandra), nën një interpretim të mrekullueshëm.
Paola Kodra – Nina, shumë intriguese dhe e spikatur dhe Xhuliano Brisku (Scorpions), si gjithmonë i përgjegjshëm dhe shumë simpatik.
Ju uroj suksese nga zemra. E ku më mirë se në Korçë, merr jetë e kuptim “Vanja dhe Sonja dhe Masha”. Kujt i takon shtëpia e trashëguar nga të parët?!
Do ta mesojmë
Diten e martë e të mërkurë, datë 12 dhe 13 dhjetor ora 19:⁰⁰, tek A. Z. Çajupi!
Shkrim i marrë nga Elda Zavalani
