Shqiptarët edhe këtë vit kanë zgjedhur Korçën për të kaluar festat e fundvitit.
Operatorët turistikë bëjnë të ditur se rezervimet për këto festa kanë qenë të shumta, madje edhe me shqiptarë të cilët jetojnë jashtë dhe do të festojnë në qytetin më të madh të juglindjes së vendit.
Për këtë bashkia e Korçës këtë vit ndryshe nga vitet e tjera i ka kushtuar një vëmendje të veçantë dekorit të festave, jo vetëm në qendër të qytetit, në Pazarin e Korçës, bulevardet kryesore por edhe në lagjet periferike.
Kryetari i bashkisë së Korçës Sotiraq Filo tha se përgjatë gjithë muajit e deri më datën 31 bashkia ka planifikuar një kalendar me aktivitete të shumta.
Korça, Voskopoja, Dardha, Boboshtica ka me shume se 4200 vende akomodimi të cilat sipas operatorëve turistike janë të rezervuara, një pjesë e tyre prej disa muajsh
