Në 24 janar 1938 ka ardhur në jetë artistja e mirënjohur korçare Spanja Pipa.
Prej 50 vitesh zëri melodioz i Spanja Pipës ka kënduar këngët urbane korçare me një pasion të pashuar. Pipa gjithashtu vlerësohet si ndër të paktët zëra femëror që kënduan serenatat korçare, këngë dashurie zakonisht të kënduara prej meshkujve.
Libri “Spanja Pipa, këngët urbane të Korçës”, i botuar në vitin 2015 në Itali u soll në Tiranë për herë të parë për audiencën shqipare, në Institutin Italian të Kulturës.
Është një personazh shumë karizmatik, është një artiste shumëformëshe, shumëplanëshe. Tek ajo bashkohet elementi i aktores dhe i këngëtares; ka një përvojë skenike që ndihet menjëherë dhe arrin të ta transmetojë kudo që të jetë.
Spanja Pipa artistja e cila jetën e saj artistike e daton që me pjesmarrjen e saj në Estradën e Ushtarit në Korçë dhe më pas në vitet 60 ajo është bërë pjesë e Estradës profesioniste të Korçës.
Një artiste e një dimesioni të madh e disa zhanreve. Përveçse një nga zërat më përfaqësues të këngëve korçare, Spanja Pipa ka qënë edhe aktore në komedi, drama por edhe parodiste.
