Një 36 vjeçar është arrestuar nga Policia pasi gjatë kontrollit ju gjet një sasi kanabis sativa. Policia nuk e la me kaq, por vazhdoi kontrollin edhe në shtëpinë e tij ku u gjend sërish sasi lënde kanabis sativa.
Njoftimi i Policisë;
DVP Korçë/Vihet në pranga 1 shtetas për veprën penale të gjetjes së kanabis sativa.
-Specialistët për Hetimin e Narkotikëve të DVP Korçë arrestuan në flagrancë shtetasin O. Ç., 36 vjeç, banues në fshatin Buçimas, Pogradec, pasi në lagjen nr. 1, Pogradec, gjatë kontrollit fizik 36-vjeçarit iu gjet një sasi e vogël e lëndës së dyshuar narkotike kanabis. Gjithashtu gjatë kontrollit të ushtruar në banesën e tij iu gjet një sasi tjetër me lëndë të dyshuar kanabis, të cilat u sekuestruan në cilësinë e provës materiale, së bashku me një aparat celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
