Këshilltarët e kualocionit “Bashkë Fitojmë” kanë braktisur mbledhjen e Këshillit Bashkiak fill pas numërimit të votave të tre nënkryetarëve të këtij këshilli.
“Në procesin e votimit në mbledhjen e këshillit bashkiak është shkelur konsesusi nga ana e Partisë Socialiste pasi sipas tij me rregullore të ketij këshilli njëri nga nënkryetarët i takon koalicionit apo partisë më të madhe të opozitës në këtë këshill“- është shprehur Devis Osmanit, kryetar i Degës së Partisë Demokratike Korçë.
“Në qytetin e Korçës koalicioni ‘Bashkë Fitojmë’ ka numrin më të madh të këshilltarëve si grupim politik, ndaj për këtë fakt njëri nga tre nënkryetarët është i takonte koalicionit ‘Bashkë Fitojmë”, ka vazhduar ai.
Para procesit të votimit janë hedhur në votim emrat Suela Dinellari dhe Jorida Remaçka, këshilltare të koalicionit “Bashkë Fitojmë” dhe Partisë së Lirisë.
Por ka qenë këshilltari i Partisë Demokratike Ervin Bregu ai që ka propozuar emrin e Laureta Alidinaj për nënkryetare të këtij këshilli. Në përfundim të numërimit të proçesit Alidinaj ka marrë 27 vota çka tregon se është votuar në masë nga këshilltarët e majtë dhe aleatët e tyre.
