Ministri i Brendshëm, Taulant Balla ka deklaruar se do të rishikohen gjobat për fermerët e fushës së Maliqit, të cilët protestuan këtë të hënë për çmimet e ulëta të kulturave bujqësore të grurit, misrit dhe patates.
Balla la të kuptohet që gjobat e vendosura gjatë protestës, ku më e madhja ishte 100 mijë lekë mund të hiqen.
Protesta është shoqëruar me tensione dhe përplasje mes protestuesve dhe Policisë së Korçës, ku disa prej tyre u shoqëruan në komisariat.
Nga 3 fermerët e shoqëruar në komisariatin e Maliqit, vetëm njëri prej tyre është gjobitur më shumë se 100 mije lekë të reja për kundërshtim të forcave të policisë.
23 fermerët e tjerë kanë marrë gjoba nga 25 mije lek te reja, ndërkohë që pritet një vendim i ministrisë së brendshme për këtë çështje
