Në Gjykatën e Korçës u paraqitën sot të arrestuarit për ngjarjen tragjike ku humbi jetën 14-vjeçari Erald Xhejo. Para trupit gjykues do të dalë Enedio Zguri, i konsideruar autori kryesor i krimit, si dhe babai dhe xhaxhai i tij.
Njëri prej tyre akuzohet se u përpoq ta largonte të riun pas ngjarjes, ndërsa tjetri dyshohet se ka fshehur armën me të cilën u krye vrasja.
Përveç tyre, në seancë do të njihen me masën e sigurisë edhe pesë të rinj të tjerë, të cilët akuzohen se kanë tentuar të pengojnë zbardhjen e rrethanave, pasi fillimisht nuk kanë treguar të vërtetën kur u morën në pyetje nga hetuesit.
