Pandi Jani, kandidati i koalicionit “Bashkë Fitojmë” në bashkinë e Pustecit ka shkruar në rrjetin e tij social, facebook, se punonjësit e administratës publike po kërcënohen.
“Kërcënimet dhe shantazhet ndaj të punësuarve në administratën dhe ndërmarrjet komunale pasqyrojnë sundimin katërvjeçar të këtij grupi autoritetesh që menaxhojnë komunën dhe paranë publike,“- ka shkruar ai.
Jani i fton qytetarët të ndëshkojnë palën tjetër duke ja dhënë votën atij. Ai premton se në qeverisjen e tij s’do të ketë presione dhe kërcënime. Madje ai thekson se të gjithë do të mbeten në vendet e tyre të punës dhe nuk do të ketë shkurtime.
“Për punë dinjitoze, pa kërcënime, pa presion dhe për një administratë moderne në shërbim të popullit votoni nr.1,“- ka thënë duke ftuar banorët ta mbështesin.
