Në një postim në rrjetin e tij social Tedi Blushi bëri një denoncim ku pretendonte se Kapshtica po përballej me rradhë kilometrike gjatë ditës së sotme dhe se emigrantët po torturoheshin, në videon e publikuar prej tij, pretendohej për rradhë të gjata por kjo video është përgënjeshtruar nga vetë policia në një reagim të sajin.
Reagim i Drejtorisë Vendore të Kufirit dhe Migracionit Korçë
Në lidhje me një lajm të publikuar për radhë kilometrike, në Pikën e Kalimit Kufitar Kapshticë, ju sqarojmë se, lajmi është i pavërtetë pasi fluksi ka qenë normal dhe nuk janë krijuar radhë të gjata.
Aktualisht në dalje të Republikës së Shqipërisë, po punohet me 3 sportele dhe në hyrje me 3 sportele të tjera dhe lëvizja vijon normalisht.
Drejtuesit e Drejtorisë Vendore për Kufirin dhe të Stacionit të Policisë Kufitare Kapshticë janë në kontakt të vazhdueshëm me palën greke, e cila ka shtuar sportelet, për të menaxhuar fluksin e lëvizjes dhe shmangur radhët.
