Teqeja e Turanit kujtoi sot 72 heronjtë që ranë në fushën e Qerbelasë, me në krye Imam Hyseinin, duke kremtuar Ditën e Hashures, një nga ditët më të shenjta për besimtarët bektashinj.
Në këtë ceremoni ishte i pranishëm edhe Kryegjyshi Botëror i bektashinjve, Haxhi Dede Edmond Brahimaj, i cili uroi të gjithë besimtarët dhe përcolli një mesazh të fortë paqeje, dashurie dhe bashkimi mes njerëzve.
Ai theksoi rëndësinë e kësaj dite për reflektim mbi sakrificën dhe qëndresën e Imam Hyseinit dhe dëshmorëve të Qerbelasë, duke e cilësuar Hashuren si një moment që frymëzon vlera të larta shpirtërore dhe humane.
Ceremonia u shoqërua me lutje, predikime dhe shpërndarjen e ashures, ëmbëlsirës tradicionale që simbolizon bashkimin, mirëkuptimin dhe solidaritetin mes njerëzve. Besimtarët e pranishëm shprehën mirënjohjen e tyre për mesazhin e Kryegjyshit dhe rëndësinë që mbart kjo ditë në kalendarin bektashian.
