Një tërmet me magnitudë 5.3 ka tronditur qytetin e Selanikut dhe zonat përreth. Sipas Institutit Gjeodinamik të Greqisë, epiqendra e tërmetit ishte rreth 11 kilometra në jug të Nea Moudania, në rajonin e Halkidikit.
Tërmeti ndodhi sot dhe u ndje gjerësisht në veri të Greqisë, duke shkaktuar shqetësim te banorët e zonës.
Autoritetet janë në monitorim të situatës për të vlerësuar nëse ka dëme materiale apo lëndime.
Aktualisht, nuk raportohen viktima, por qytetarët janë këshilluar të ndjekin udhëzimet e mbrojtjes civile dhe të qëndrojnë të qetë për çdo zhvillim të mëtejshëm.
