Termoizolimi, projekti kallf dhe i parealizueshëm për Korçën, si dhe 600 pallatet e kandidates.
Drejtuesi i projektit të Termoizolimit të Banesave, financuar nga BE, në një vend anëtar të BE, më shpjegoi shkurtimisht pse ky projekt në Korçë është i pamenduar, i pastudiuar, një mashtrim elektoral nga një parti dhe kandidate shterpë dhe pa ide.
(Specialisti ka patur rastin, që me mua të ketë qenë 2 herë në Korçë, jo për fundjavë, por për punë.)
Shkurtimisht:
Në Korçë, në vija të trasha, ka 3 tipologji godinash (banesash kolektive / pallate):
- Pallate me tulla, pa suva të jashtme, me brez betoni të viteve ’70. (Për BE konsiderohen struktura jashtë standartit për banim, duhen rrëzuar, ose duhen përforcuar me ndërhyrje në skelet-armaturë dhe tulla e tyre në mbi 50 vite erozioni dhe ekspozimi ndaj kushteve klimatike ka humbur vetitë e saj të qëndrueshmërisë, porozitetit, përçimit të lagështiaë etj.);
- Pallate me tullë, pa suva, të pas viteve 80, që kanë karakteristikat e sa më sipër, por që konsiderohen në një gjendje disi më të mirë për nga struktura.
(E megjithatë, nuk përmbushin asnjë standart për t’u konsideruar banesë, sipas kondicioneve dhe rregullave të BE për banesat kolektive dhe jo vetëm.) - Pallatet me tullë, por me suva të jashtme, që janë kategoria, më e mirë dhe më e përshtatshme për termoizolim.
Kujdes! Nuk mund të termoizolohen të treja tipologjitë e pallateve në Korçë, pa u bërë fillimisht:
a. Hidroizolimi dhe drenazhimi i themeleve të pallateve;
b. Hidroizolimi i taracave të pallateve;
c. Tharrja, restaurim dhe hidroizolim i strukturës mur.
Pasi përmbyllen këto proçese, mund të kalohet më pas në procesin e Termoizolimit.
Një kalkulim i shpejtë nga specialisti i kostos, vetëm për termoizolimin e 550 pallateve.
32 milionë Euro pa TVSh / 38 milionë Euro me TVSh kushton vetëm Termoizolimi (përfshi këru koston e materialit jo të shtrenjtë termoizolues dhe të krahut të punës.)
Në këtë vlerë nuk janë përfshirë kosto e skelave, kosto e rikuperimit të dëmeve shkaktuar në territorin përreth pallatit të termoizoluar, kosto e lyerjes dhe hidrokullimit vertikal.
Për punë reale, nga A në Zh, të standardeve europiane, për t’u çertifikuar nga BE, me një garanci për 20 vite, vlera kalon shumën e 230 milionë eurove.
Termoizolimi nuk është projekt, as premtim, por as kopjim.
Është thjesht pjellë monstruoze e shterpësisë së ideve dhe mungesës së specialistëve që hartojnë strategji zhvillimi.
Termoizolimi është gjepura elektorale!
Turp për Korçën! Po na fyejnë dhe po rrimë si tutkunë.
Më 14 të majit, bëni votë-izolim, sidomos juve të pallateve pa suva.
Shkruan Mariela Stefanllari
