Mbrojtësi i djathtë Albi Doka nuk do të jetë më pjesë e skuadrës së Skënderbeut. Palët kanë vendosur të ndërpresin me mirëkuptim bashkëpunimin, duke i hapur rrugën një etape të re në karrierën e futbollistit. Doka ka zyrtarizuar kalimin te Teuta e Durrësit, ku do të përforcojë repartin e prapavijës.
Në sezonin që lamë pas, Doka ka qenë një titullar i besuar te korçarët, duke spikatur për seriozitet dhe angazhim maksimal. Largimi i tij është realizuar në mënyrë korrekte dhe me respekt të ndërsjellë mes klubit dhe lojtarit.
Transferimi te Teuta përbën një mundësi të re për mbrojtësin, i cili kërkon të afirmohet më tej në elitën e Kategorisë Superiore.
Ky ndryshim është pjesë e lëvizjeve intensive në merkaton shqiptare, ku shumë klube dhe futbollistë po riorganizohen për të arritur objektiva të rinj në sezonin e ardhshëm.
