Në fakt këtë fjalë po e dëgjojmë shpesh herë kohët e fundit nga kryebashkiaku Gëzim Topçiu, i cili më dëshirën e mirë kërkon të sjellë turistët e parë në Maliq, kryesisht në pyllin e Fazanëve.
Por sa e mundur është që qyteza e Maliqit të mirëpresë turistë?
Fillimisht numri i hoteleve është shumë i ulët, vetëm 3 hotele, të cilat mikpritjen e njohin vetëm për motele dhe çifte të fshehtë për seks, sesa për turistë.
Nga ana tjetër, asnjë fshat nuk është turistik, madje dhe infrastruktura le për të dëshiruar.
Fshati i Zvirinës, në Njësinë Administrative Pirg, është pjesë e programit të 100 fshatrave turistikë, por turistët nuk e njohin. Fshati nuk vizitohet nga turistët dhe infrastruktura le për të dëshiruar.
I vetmi atraksion turistik që mund të marrë zhvillim është Pylli i Fazanëve, një atraksion i cili përpos pemëve nuk të ofron asgjë.
Me pak fjalë, turizmi në Maliq është imagjinar, të paktën për 10 vitet e ardhshme.
