Një mjet lundrues tip Jet Ski u kap dhe u bllokua nga shërbimet e Policisë Kufitare dhe Njësisë Policore Detare në ujërat e liqenit, përballë fshatit Tushemisht, pasi kishte hyrë në territorin shqiptar në mënyrë të paligjshme.
Në bord ndodheshin 7 persona, të cilët u shoqëruan në Stacionin e Policisë për verifikime. Pas procedurave ligjore, u vendosën masa administrative: 10 000 lekë ndaj një shtetasi të mitur dhe nga 50 000 lekë për secilin nga 6 shtetasit madhorë, sipas dispozitave përkatëse të ligjit.
Mjeti lundrues u sekuestrua, ndërsa personat do të largohen vullnetarisht nga PKK Tushemisht.
Drejtoria Vendore për Kufirin dhe Migracionin Korçë theksoi se reagimi ndaj çdo shkeljeje do të jetë i menjëhershëm, i paanshëm dhe në zbatim të plotë të ligjit.
