Orlando Koja është trajneri më i ri i ekipit të volejbollit të Dinamos për femra. Tekniku i njohur shqiptar ka firmosur sot kontratën që e lidh me klubin kryeqytetas, duke nisur një kapitull të ri në karrierën e tij pas disa sezonesh të suksesshme me Skënderbeun.
Burime pranë klubit bëjnë me dije se marrëveshja është arritur pas një periudhe bisedimesh intensive, ndërsa Koja ka nisur menjëherë punën për ndërtimin e skuadrës në funksion të objektivave të sezonit të ardhshëm.
Nën drejtimin e tij, Skënderbeu njohu një rritje të ndjeshme në performancë, duke u kthyer në një pretendent serioz për titull cdo sezon. Aftësitë e tij në ndërtimin e një grupi konkurrues dhe në përgatitjen taktike kanë tërhequr vëmendjen e drejtuesve të Dinamos, të cilët kanë vendosur t’i besojnë pankinën e ekipit.
