Kjo video i ka kushtuar shtrenjtë efektivëve të Policisë së Elbasanit të cilët gjatë megaoperacionit “Tempulli” ku ranë në pranga disa persona për shpërndarje të lëndëve narkotike arrestuan dhe personazhin e njohur me pseudonimin “Ujku i Cërrikut”.
Burime pranë Policisë së Elbasanit thanë se efektivët që kanë marrë pjesë në arrestimin e tij u është shtyrë afati i gradimit me një vit, ndërsa diçka e tillë vjen si masë ndëshkimore për ta.
Nga operacioni i trumbetuar dhe nga Ministri i Brendshëm ranë në pranga 246 persona ndërsa u pretendua se u shkatërruan 23 grupe kriminale. Në total u sekuestruan 134 kg kanabis, 1.2 kg kokainë dhe tableta ekstazi.
Droga e sekuestruar sipas policisë shitej në afërsi të shkollave por Ujku i Cërrikut ka rezultuar se nuk është pjesë e 23 grupeve kriminale të pretenduara nga policia. Policia ndoshta nuk e njihte por u kujdes që video të shpërndahej në media si një prej arrestimeve ku Ujku i Cërrikut del nga automjeti i prangosur dhe me kurorë në kokë.
