Ura e Niçës, një nga dëshmitë më të çmuara të trashëgimisë sonë inxhinierike dhe rrugore, dikur ndodhej në prag të shembjes, për shkak të dëmtimeve të rënda në strukturën mbajtëse.
Në vitin 2023, falë ndërhyrjes së menjëhershme të ekipit të Drejtorisë Rajonale të Trashëgimisë Kulturore, u morën masa emergjente për stabilizimin dhe pajisjen mbrojtëse të urës, duke ndaluar procesin e degradimit.
Gjatë vitit 2025, me mbështetjen e Ministrisë së Turizmit, Kulturës dhe Sportit, u realizua restaurimi i plotë i monumentit. Punimet jo vetëm që e shpëtuan urën nga rreziku i shembjes, por i rikthyen asaj identitetin historik dhe estetik që meriton.
Sot, Ura e Niçës qëndron sërish krenare, si një dëshmi e gjallë e përkushtimit për ruajtjen e trashëgimisë kulturore shqiptare.
