Korçë — Pas një ecurie mbresëlënëse në kampionat, ekipi i vajzave të Skënderbeut është gati për të kërkuar triumfin edhe në Kupën e Shqipërisë për volejboll. Ndeshja e radhës zhvillohet të shtunën, më 9 nëntor, në Pallatin e Sportit “Tamara Nikolla” në Korçë, ku vajzat e Skënderbeut do të përballen me Teutën.
Tifozët janë të ftuar të mbështesin ekipin vendas dhe të shijojnë nga afër atmosferën sportive, duke iu bashkuar kështu përpjekjeve të vajzave për të arritur një tjetër sukses. “Forca Skënderbe!” është thirrja që pritet të ushtojë nga tribuna, ndërsa ekipi korçar synon të mbrojë me krenari ngjyrat e qytetit në këtë ndeshje të rëndësishme.
