“Vetmi në Perëndim”, komedia e zezë norvegjeze me autor Martin McDonagh, u ngjit në skenën e Qendrës Kulturore “Lasgush Poradeci”, duke sjellë një interpretim të veçantë nën regjinë e Orges Karagës. Shfaqja solli për publikun marrëdhënien e tensionuar midis dy vëllezërve, përpjekjet për pajtim dhe rolin e një prifti si ndërmjetës, që në fund tërhiqet, duke i lënë protagonistët në reflektim për vetë jetën dhe marrëdhëniet e tyre.
ORGES KARAGA Regjisor
Personazhi i priftit, i luajtur nga aktori Besian Sulejmani, përfaqësonte përpjekjen e dështuar për të ndërtuar urë komunikimi mes dy individëve në konflikt të vazhdueshëm. Sulejmani e cilëson këtë rol si një sfidë për ta përçuar me ndjeshmëri dhe thellësi.
BESIAN SULEJMANI Aktor
Kjo shfaqje erdhi si nismë e aktorit pogradecar Jurgen Liçkollari, i cili ka ftuar kolegët e tij, të njohur gjatë studimeve, për të realizuar këtë projekt të përbashkët, për të sjellë në qytetin e tij një shfaqje me tematikë të fortë dhe domethënie aktuale.
JURGEN LIÇKOLLARI Aktor
Shfaqja, e cila zgjati më shumë se 60 minuta, u prit me interes nga publiku, duke sjellë në skenë jo vetëm tension dhe mister, por edhe humor të hollë, përmes një komedie të zezë që ngacmonte mendimin dhe emocionin.
