Ditën e sotme ka ndodhur një grindje midis disa personave në një lokal në qytetin e Krujës. Konflikti ka agravuar dhe disa persona kanë goditur me sende të forta shtetastit Jashar Maja dhe Bilbil Maja, të cilët janë dëmtuar dhe ndodhen në spital, nën kujdesin e mjekëve.
Shkak i konfliktit dyshohet të jetë një gurore e cila kur bën shpërthimet u sjell shqetësime në ndërtesat e tyre.
Grupi hetimor ka arrestuar dy persona dhe po punon për kapjen e disa të tjerëve.
Ja deklarata e policisë;
Krujë/Informacion paraprak
Ditën e sotme, në një lokal në aksin rrugor Fushë Krujë – Thumanë ka ndodhur një konflikt mes shtetasve B. M., e J. M., dhe shtetasve Xh. Rr., I. Rr., dhe K. Rr.
Gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit B. M. dhe J. M., të cilët si pasojë janë dëmtuar dhe ndodhen në spital, nën kujdesin e mjekëve.
Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre.
Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.
Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë.
