Volejboll/Trajneri Lisha premton supriza tek Pogradeci
Besnik Lisha është trajneri shkodran i cili prej pak javësh ka marrë dretimin e ekipit të volejbollit për femra në Pogradec. Shkodrani ka marrë një ekip të ri I cili nuk ka më shumë se një sezon në superior por që shpreson se do ecin shumë fort përpara, kjo falë punës dhe konsolidimit që po i bën ekipit.
Ekipi më I fortë alktualisht në këtë ligë paraqitet Skënderbeu, kampionet e vitit të kaluar, por Lisha thotë se të gjitha ekipet tashmë janë shumë të forta, teksa duhet kultivuar pak mentaliteti i fituesit tek Pogradeci ai premton surpriza në sezonin e dytë.
Edhe vajzat duken të konsoliduara dhe të gatshme të japin gjithcka në parket përballë më të fortëve. Këtë sezon në ekip janë kontraktuar edhe lojtare të huaja dhe me eksperiencë, Edona Kalludra është kosovarja që ka lënë Skënderbeun për Pogradecin, Shonte Tatyana që vjen nga Barbados dhe Melek Erpinin nga Turqia, vajza thonë se synimet janë për kampione, ndërsa rezultatin më të keq shohin 4-shen më të mirë në ligë.
“Nuk dija shumë rreth vendit apo qytetit. Jam shumë e lumtur që erdha sepse kam gjetur një atmosferë të ngrohtë dhe jemi në rezultate premtuese. Jam e bindur që kupat do të rreshtohen për Pogradecin”- u shpreh Tatyana.
“Dua të krijoj një strukturë të re për ekipin. Kam ardhur për të marrë rreziqe dhe për të shijuar lojën. Dua gjithashtu të ndaj përvojën time me ekipin shqiptar dhe të synoj të fitojmë Kupën. Edhe pse sezoni nuk ka filluar ende, në pjesën e dytë të tij besoj se do të jem një nga më të mirët këtu,” – tha Melek.
Pogradeci aktualisht mban vendin e 6 në renditje, por deri në fund të sezonit syno të jetë në 4 en më të mirë, ekipi është i fortë edhe pse me eksperiencë të vogël, megjithat Besnik Lisha këmbëngul se me këtë ekip mund të shkojë larg.
