Skuadra e Skënderbeut ka fituar me rezultatin 3–0 miqësoren ndaj Pogradecit në volejboll për femra. Ndeshja ishte e luftuar, me korçaret që fituan setin e parë dhe të tretin vetëm pas pikëve shtesë, respektivisht 26–24 dhe 28–26, ndërsa seti i dytë u mbyll 25–17.
Ashtu si në përballjen e fundit në kampionat, kjo miqësore tregoi se Skënderbeu, ndonëse i rindërtuar pothuajse nga e para, mbetet një skuadër që duhet marrë seriozisht.
Takimi u shërbeu trajnerëve Haxhillari e Lisha për të testuar gjendjen e lojtareve përpara ndeshjeve të radhës: Skënderbeu do të përballet me Tiranën, ndërsa Pogradeci me Teutën.
