Ekipi i vajza të volejbollit të Pogradecit duket se ka ndërtuar një skuadër që po synon të marrin kreun. Këtë të premte në Korçë ekipi i Pogradecit që bënte prezantimin e parë pas afrimeve duke zhvilluar një miqësore me Skënderbeun.
Të dy trajnerët, si Koja i korçarëve dhe Lisha i liqenoreve, më shumë se tek setet kishin mendjen te konsolidimi i lojtarëve me njëri-tjetrin, pasi vetë afrimet i bëjnë që ekipi të ketë nevojë për sa më shumë ndeshje.
Seti i parë ka qenë në fillimet e veta në udhëheqjen e korçarëve, por pas pikës së 12-të janë liqenoret që gabojnë më pak dhe arrijnë të krijojnë diferencën e duhur të pikëve për ta fituar këtë set.
Edhe seti i dytë ishte me një ecuri të mirë në fillimet nga korçarët, më pas ishin pogradecaret që e brojnë gjithçka dhe pas barazimit në pikën e 20 janë më të sakta në shërbim.
Seti i tretë ishte edhe më i gjati, pasi kishte nevojë për pikë shtesë, dhe liqenoret fituan kështu 0-3 në Korçë, duke treguar se duan të jenë të sigurta në qëndrimin e tyre në këtë kategori por akoma më tej të synojnë edhe shpalljen kampione.
