Kryetari i Bashkisë së Pogradecit Ilir Xhakolli teksa inspektoi nga afër punimet në lotin e 3-të të aksit Qukës-Qafë Plloçë mori garancinë se rruga do ketë pëefunduar deri në muajin Qershor 2025 për ti dorëzuar në Gusht.
Gjatë këtij inspektimi Xhakolli njoftoi edhe financimin e 3 projekteve madhore nga qeveria siç është: Investimi në lagjet historike, ujësjellsat në njësinë Trebinjë dhe projektin e ujrave të zeza në njësinë Udënisht.
Njoftimi i bashkisë
4 lajme të mira për Pogradecin!
Inspektova nga afër punimet në aksin rrugor Qukës-Qafë Plloçë, ku në lotin e 3-të po punohet me ritme shumë të larta. Afati i mbarimit të këtij loti është muaji Qershor 2025, por unë besoj së nëse nuk ka probleme gjatë punës mund të përfundojnë edhe në Maj. Ndërsa këto ditë nis asfaltimi i 5 km të para nga 9 që është gjatësia e këtij aksi.
Jam i lumtur t’iu bëj me dije se qeveria na ka financuar 3 projekte të tjera madhore që do nisin zbatimin në vijim:
Xhakolli: Si afat si e keni?
Inxhineri: Në qershor të vitit tjetër
Xhakolli: Kam ardhur edhe para një muaji dhe mesa pyeta edhe një inxhinier tjetër më tha që mund ta bëjë edhe para afatit.
Ka mundësi nga Prilli?
Inxhineri: Po ka sepse ne javës tjetër maksimumi 2 javë fillojmë edhe asfaltin
Xhakolli: Sa kilomentra? 5 kilometra?
Inxhineri: Po, 5 km
Xhakolli: Pra që nga Plloça, më të vështira besoj janë këto 3-4 me mure mbajtës?
Inxhineri; Edhe në pjesë të tjera ne kemi pasur mure më të gjatë dhe më të lartë se këto mure, të cilat kanë arritur deri në 43 m nga niveli i asfaltit.
Xhakolli: Në dijeninë time meqë kjo rrugë zgjati pak shumë, ky aks ka qenë më problematiku dhe shikoj që po ecni me hapa të shpejta. Edhe mirë do ishte ta mbaronim nga Maji-Prilli, unë kam parë edhe pjesën tjetër të rrugës nga Trebinja edhe ata po ecin, besoj se edhe ata mbarojnë nga Marsi-Prilli. Që tua u falim qytetarëve të Mokrës këtë rrugë të bukur të mrekullueshme, e që më në fund edhe ata të zhvillohen si zonë.
Xhakolli: Meqë jemi këtu do ndaj edhe një lajm të mirë për pogradecarët, sot nga FSHZH u njoftova që ka kaluar fondi për lagjen historike të Pogradecit dhe besoj që në Tetor fillon zbatimi i projektit. Ndërkohë që edhe për zonën e Mokrës së sipërme projekti që ne kemi bërë dhe që kemi kohë që e presim, ai i ujit të pijshëm në Trebinjë, lekët kanë kaluar dhe do nisë zbatimi i projektit. Edhe për zonën e Udënishtit, nga Lini deri në Gur të Kuq për kanalizimet e ujrave të zeza, fondi ka kaluar kështu që dua të falenderoj qeverinë që na mbështeti me këto projekte të rëndësishme për Pogradecin, tha Xhakolli.
