Suzana Populi është vallëtarja e vetme dhe koreografja që Devolli ka parë përgjatë këtyre viteve. Ishte vetëm 13 vjeç kur nisi të hidhte hapat e para, e përplot 45 vite do t’i jepte Devollit shumë nga shpirti i saj.
Do të mësonte me dhjetra fëmijë si të kërcenin vallen devolliçe, vallen e saj të preferuar.
“Ishte Ali Beli ai që më mori për herë të parë në valle. Isha më e shkurtra por kur ai pa talentin më vendosi në krye të valle dhe në krye ngela gjithnjë. Gjithnjë, sepse rahë në dashuri me devolliçen. Në vitin 1996 ka qenë viti kur kam nisur punë në Ansamblin e Devollit por pas 2 vitesh më hoqën nga puna sepse më kërkuan të merresha me politikë. Unë doja vetëm artin.. “ u shpreh Suzana.
Suzana vazhdon më tej ku tregon se ja pasur raste që e paragjykonin, por kjo nuk e bëri të hiqte dorë nga vallja.
Dy pengje i kanë ngelur… E para se nuk mori pjesë asnjëherë në Festivalin e Gjirokastrës dhe e dyta, vitin e kaluar kur doli në pension askush nga kolektivi apo pushteti vendor nuk u kujtua, nuk i organizoi qoftë edhe një ceremoni të vogël për punën e saj të madhe.
