Festa e Birrës në Korçë për këtë vit do të realizohet përsëri në terminalin e autobusëve të Korçës. Ndryshe nga çfarë ishte parashikuar pasi Qeveria shqiptare dhe Fondi Shqiptar i Zhvillimit janë duke investuar, ngjitur me Burgun e Drenovës, në një nga fushat më të gjera dhe më të mëdha që qyteti i Korçës ka.
Aty ku vitin e kaluar u zhvillua dhe MIK Festival dhe ishte parashikuar edhe të mbahej Festa e Birrës, por mesaduket punimet nuk kanë ecur në rendimentin e duhur, çka ka bërë që Festa e Birrës të rizhvillohet dhe njëherë te Terminali i Autobusave.
Ajo që ngjall përherë polemika dhe problematika është përherë se çdo vit kur ka një festë të tillë kaq masive, trafiku është aq i rënduar sa pothuajse paralizohet i gjithë qyteti.
Autobusët u duhet që të dalin jashtë dhe në këtë lloj forme rikujtojmë se janë me mijëra turistët e ardhur por po ashtu edhe emigranët nga Greqia dhe vende të ndryshme të botës, duke bërë që trafiku sidomos në këtë zonë të jetë pothuajse i paralizuar.
