Anteo Osmanllari është shumë pranë një rikthimi te Skënderbeu. Sulmuesi korçar, i cili është aktivizuar më parë me fanellën bardhekuqe, ndodhet në bisedime të avancuara me klubin dhe gjithçka pritet të konkretizohet në ditët në vijim.
Burime pranë klubit, por edhe lojtarit bëjnë me dije për Kolibrin se palët janë shumë pranë arritjes së një marrëveshjeje, me stafin teknik që e sheh Osmanllarin si një përforcim të rëndësishëm për repartin ofensiv në sezonin e ri.
Ky do të ishte një rikthim në shtëpi për 24-vjeçarin, i cili ka qenë pjesë e Skënderbeut edhe në të kaluarën dhe është rritur futbollistikisht në këtë klub. Transferimi i tij pritet të zyrtarizohet sapo të përmbyllen detajet e fundit kontraktuale.
Nëse gjithçka shkon sipas parashikimeve, Anteo Osmanllari do të jetë pjesë e skuadrës që po ndërtohet me objektiva ambiciozë për sezonin e ri.
