Pasditen e sotme, një vatër zjarri përfshiu një sipërfaqe me bimësi të ulët brenda ish-repartit ushtarak në Pocestë. Flakët u përhapën me shpejtësi, por falë ndërhyrjes së menjëhershme të shërbimit zjarrfikës të Bashkisë Maliq, u arrit izolimi i zjarrit dhe fikja e tij, duke shmangur dëme në ndërtesat përreth.
Ky është rasti i dytë i ngjashëm që ndodh në këtë zonë në një periudhë të shkurtër kohe. Policia ka nisur hetimet për të përcaktuar shkaqet e zjarrit, ndërsa autoritetet lokale u bëjnë apel qytetarëve për vigjilencë dhe bashkëpunim në parandalimin e ngjarjeve të tilla.
