Paraditen e sotme një sipërfaqe me barishte është përfshirë nga flakët në fshatin Stropckë të Pogradecit, duke shkaktuar shqetësim për banorët dhe infrastrukturën e zonës. Zjarri, i cili dyshohet të jetë i qëllimshëm, ka përfshirë kodrat përreth dhe për momentin paraqet rrezik të lartë për linjën e tensionit të lartë 400 kW që kalon pranë vatrës.
Në vendngjarje janë dërguar menjëherë forcat zjarrfikëse, vullnetarë dhe punonjës të shërbimeve, të cilët po punojnë për izolimin dhe shuarjen e flakëve. Autoritetet po kryejnë hetime për të zbuluar rrethanat e ngjarjes dhe konfirmojnë se dyshohet për një zjarr të qëllimshëm.
