Forcat policore dyshuan në një makinë e cila po qarkullonte në qytetin e Pogradecit dhe punonjësi i policisë i ngriti tabelën për qëndrim. Drejtuesi i mjetit nuk qëndroi por u largua me shpejtësi.
Menjëherë pas këtij veprimi policia e ndoqi dhe nisi procedimin për drejteuesin 21 vjeçar.
Njoftimi i policisë;
DVP Korçë/Procedohet në gjendje të lirë 1 shtetas për vepra të ndryshme penale
-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin E. H., 21 vjeç, banues në fshatin Buçimas, Pogradec, pasi në lagjen nr 1, Pogradec, nuk i është bindur urdhrit të punonjësit të Policisë së Rendit, për të ndaluar automjetin që drejtonte.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
