Një 22 vjeçar nuk i është bindur urdhrit të policisë për të qëndruar për kontroll. Policia e ka ndjekur dhe për djalin në fjalë ka nisur procedimi penal.
Njoftimi i Komisariatit të Policisë;
DVP Korçë/Procedohet në gjendje të lirë 1 shtetas, nuk ju bind urdhrit të policisë
Specialistët për Hetimin e Krimeve të Komisariatit të Policisë Maliq referuan materialet në Prokurori ku filloi procedimi në gjendje të lirë për shtetasin U. G., 22 vjeç, banues në Korçë, pasi në vendin e quajtur “Tyrbja e Goçës”, Maliq, duke drejtuar automjetin tip “Jeep”, nuk i është bindur urdhrit të punonjësit të Policisë për të ndaluar, por ka vijuar lëvizjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
