Pas më shumë se dy muajsh me mungesë reshjesh dhe temperatura që shpesh kanë kapërcyer 40 gradë Celsius, qarku i Korçës është përfshirë pasditen e sotme nga reshje të dendura shiu, të shoqëruara me stuhi në disa zona.
Reshjet janë ndjerë në të gjithë territorin, nga Korça në Pogradec, Maliq, Devoll e deri në Kolonjë, duke sjellë një lehtësim të ndjeshëm për banorët dhe për sektorin bujqësor, që ka vuajtur prej kohësh mungesën e ujit.
